Gott veður á Akureyri

Ég var í nokkra daga á Akureyri og auðvita var gott veður þar. Ég held að ég hafi aldrei verið nema í góðu veðri á Akureyri. Við hjónin vorum þar með útlendinga (Eistlendinga, Letta, Norðmenn, Svía og Finna) og fórum með þá meðal annars til Mývatns. Þar sáum við furðulega sjón, míflugurnar voru í milljóntals strókum um allt, svartar súlur út um allt. Bílrúðan að framan var svo þakin að við sáum nánast ekki út um hana og engin vildi fara út að þrífa svo að við keyrðum þannig til baka til Akureyris. Gestir okkar spurðu hvort að veðrið væri alltaf svona gott (20 stiga hiti og sól) og auðvita jánkuðum við því. Eftir að hafa þurft að tala þrennskonar tungumál, vera með prógramm allan daginn og veislukvöldverði  er maður svo þreyttur, andlega þreyttur að ég sofnaði kl:8:00 um kvöldið sem að við komum heim og svaf í 12 tíma. Enn þetta var mjög gaman og gefandi.

Svo kemur maður hingað í rigninguna í Reykjavík og grái veruleikinn tekur við. Ég mætti í vinnuna kl:8:00 í morgun og hlakka mikið til þess að geta sótt Rex litla, Það geri ég þegar að þessari vinnu líkur.

Athugasemdir

[Hjördís G. Thors (IP-tala skráð) 9.6.2007 kl. 13:08]

Það má Finna í frásögninni að þið hafið bara slegið á Letta strengi og sungið með Eistunum, fyrir Nossarana og Svíana...???    Eþaggi bara???