This is my life

Mikið finnst  mér lagið með Bubba og Birni Jörundi skemmtilega illa sungið. Samt er eitthvað við það sem gerir það að verkum að mig langar til þess að heyra það aftur og aftur. Og alveg er ég sammála öllum um að Eyþór hin ungi sé afar góður söngvari. Mér finnst líka lagið okkar This is my life komið í fínt form og er nokkuð viss um að það komist upp úr undanúrslitarkeppninni, myndbandið við lagið finnst mér svona la,la,- ég skil það ekki alveg.

Úlrik Ólason var góður maður. Hann lést fyrir aldur fram og er hans sárt saknað. Hann var kórstjórnandi minn í nokkur ár og fórum við félagarnir í kórnum í margar skemmtilegar ferðir með honum. Við náðum vel saman. Mér finnst mikill missir af honum.

Nú finnst mér komið nóg þetta með aðgerðir vörubílstjóranna. Þegar að ofbeldi ræður ríkjum þá á að hætta, enda held ég að það hafist ekkert upp úr þessum mótmælum. Þetta er farið úr böndunum. Ég studdi þá fyrst en geri það ekki lengur.

Svei mér þá, ég held bara að borgin mín sé loksins að verða fín aftur. Ég bara vona að það verið svo um ókomin ár.

Athugasemdir

[Hjordis G Thors (IP-tala skráð) 26.4.2008 kl. 17:34]

Hugsa sér vopnin sem þessir menn hafa.... RISA TRUKKA!!! Hvað ætli Leikskólakennarar og þær sem annast um gamla fólkið okkar fengju í laun ef þær mættu alltaf til vinnu á SKRIÐDREKUM??? Þeir eru búnir með allan "good-will" hjá mér!! Það eru fleiri en þeir sem vilja semja um laun..